فرانس میں زیر تعمیر یورپ کی سب سے بڑی مسجد کی انتظامیہ کو ایک خط موصول ہوا ہے جس میں مسجد پر حملے اور اسے شہید کرنے کی دھمکی دی گئی ہے۔ایران کی مہر خبررساں ایجنسی نے فرانسیسی خبررساں ایجنسی کے حوالے سے بتایا ہے کہ فرانس میں زیر تعمیر یورپ کی سب سے بڑی مسجد کی انتظامیہ کو ایک خط موصول ہوا ہے جس میں مسجد پر حملے اور اسے شہید کرنے کی دھمکی دی گئی ہے۔
اطلاعات کے مطابق فرانس کے شہر اسٹراسبرگ میں ترکی مدد سے تعمیر کی جانے والی یورپ کی سب سے بڑی مسجد “آئپ سلطان مسجد” کو اعلان جنگ کے عنوان سے دھمکی آمیز خط موصول ہوا ہے۔۔خط میں مسجد کی تعمیر کرنے والی اسلامی تنظیم کی چیئرپرسن کو قتل اور زیر تعمیر مسجد پر بمباری کی دھمکی دیتے ہوئے کہا گیا ہے کہ اچھی طرح سے تیاری کرو، بدلہ شروع ہوتا ہے۔ ہم مساجد کے خلاف ہیں اور انھیں بڑے حملوں سے نشانہ بنائیں گے۔ابھی تک پولیس کا رد عمل سامنے نہیں آیا ہے۔
