مسلمانوں نے اسلامی اقدار کو پس پشت ڈال دیا ہے اسی وجہ سے وہ پستی اور ذوال کا شکار ہیں۔ ان خیالات کا ظہار معروف نوجوان اسپیکر، تعلیمی مبلغ اور قانون کے طالب علم ولی رحمانی نے کیا۔ وہ اورنگ آباد کے ایجوکیشن ایکسپو میں عوام سے خطاب کر رہے تھے۔ اپنے اس خطاب میں انہوں نے بڑے ہی متاثر کن انداز میں کہا کہ تعلیم کے بٹوارے سے مسلمانوں کو بہت نقصان ہوا ہے۔ اہوں نے بتایا کہ مسلمانوں کے لیے موجودہ حالات میں کن چیزوں کو اپنے اوپر لازم کرلینا ضروری ہے۔انہوں نے بتایا کہ قوموں کے عروج وزوال کے پیچھے کونسی وجوہات کار فرما رہی ہیں اور آج ملک کا مسلمان پسماندگی کا شکار ہے تو اس کی بنیادی وجوہات کیا ہیں۔ ان کا کہنا ہیکہ مسلمانوں کو اپنے اوپر کام کو لازم کرلینا چاہیئے ۔ پستی کی دلدل سے باہر نکلنا ہے تو ہمیں سخت محنت، جدوجہد اور اپنے نصب العین پر توجہ دینی ہوگی۔ ولی رحمانی نے بچوں کو قوم کا مستقبل قرار دیا اور ان کی عزت پر زور دیا۔
