دہلی میں کورونا کے مریضوں کی بڑھتی ہوئی تعداد کو دیکھتے ہوئے کیجری وال حکومت نے مزید ایک ہفتے کے لاک ڈاؤن کا فیصلہ کیا ہے۔ یہ لاک ڈاؤن آج رات دس بجے سے لاگو ہو کر پیر کی صبح چھ بجے تک جاری رہے گا۔ اس بیچ صرف سرکاری دفاتر کھلیںگے۔
لیکن نجی کمپنیوں کو اپنے اسٹاف سے گھروں سے کام لینا ہوگا۔ دہلی میں کورونا کے کیسوں میں قابل تشویش حد تک اضافہ ہورہا ہے اور حفظان صحت کے بندوبست ناکافی ثابت ہو رہے ہیں۔ اسپتالوں میں نہ بستر ہیں اور نہ گیس کی سہولت۔ نازک حالات کو قابو میں کرنے کے لئے لاک ڈاؤن کا فیصلہ کیا گیا۔ یہ فیصلہ جس اہم میٹنگ میں کیا گیا اس میں ایل جی اور دیگر اعلیٰ حکام موجود تھے۔تجربہ کے طور پر سنیچر کی رات سے آج صبح تک کے لئے کرفیو لگایا گیا تھا۔ایک ہفتے کے لاک ڈاؤن کی خبر متے ہی لوگوں نے ضروری اشیا کی خریداری شروع کردی لیکن دوسری طرف شراب کی دوکانوں پر بھی لوگوں کی قطاریں لگی دیکھی گئیں۔
