اورنگ آباد اے ٹی ایس نے پاپولر فرنٹ آف انڈیا PFI کے چار ارکان کو حراست میں لیا ہے گرفتار شدگان میں ایک ڈیلیوری بوائے بھی شامل ہے۔ این آئی اے نے ملک گیر سطح پر پی ایف آئی کے خلاف کارروائی کی جو مہم چھیڑ رکھ ہے اورنگ آباد میں کاروائی بھی اسی کا حصہ ہے۔
اورنگ آباد میں اے ٹی ایس اسکواڈ اور مقامی پولیس نے کارروائی کرتے ہوئے ہڈکو کی نیشنل کالونی سے ڈیلیوری بوائے سید اور کراڑ پورہ علاقے سے مولانا عرفان ملی کو تحویل میں لیا گیا۔ اسی طرح پرویز نامی نوجوان کو بھی حراست میں لیا گیا ہے۔ اے ٹی ایس نے ایک اور نوجوان کو حراست میں لیا ہے لیکن اس کے نام کی تصدیق نہیں ہو پائی ہے۔
گرفتار شدہ پرویز کے والد نے بتایا کہ انکا بیٹا انٹی ریئر کا کام کرتا ہے۔ پی ایف آئی کے ذمہ داروں کا کہنا ہے کہ اس کارروائی کا مقابلہ قانونی طریقے سے کیا جائےگا۔۔
