کانگریس کا دعویٰ ہیکہ آسام میں اسمبلی چناؤ کے پہلے مرحلے سے ہی بی جے پی کی شکست کی داغ بیل پڑ گئی ہے۔ پارٹی جنرل سیکریٹری رندیپ سنگھ سرجے والا کا کہنا ہیکہ آسام اسمبلی کے پہلے مرحلے کی پولنگ سے ہی بی جے پی کی بتی گل ہو گئی ہے۔ سرجے والا کا کہنا ہیکہ آسام میں پہلے مرحلے کی پولنگ سے ہی ثابت ہو گیا ہیکہ عوام نے بی جے پی کو مسترد کردیا ہے۔ عوام کا موڈ دیکھ کر بی جے پی کی مرکزی لیڈر شپ سے لیکر آسام کے وزیر اعلیٰ سربا نند سونو وال تک سب خوفزدہ ہیں۔
