7 سال پرانے دھماکے کے ایک معاملے میں روس اور یوروپی ملک چک جمہوریہ کے درمیان سفارتی رشتے نہایت کشیدہ ہو گئے ہیں۔ چیک جمہوریہ نے اس دھماکے کے لئے روسی انٹیلی جنس کو ذمہ دار قرادیتے ہوئے روس کے اٹھارہ سفارتکاروں کو ملک سے نکال دیا۔ چیک کی اس کاروائی کے انتقام کے طور سے روس نے بھی چیک جمہوریہ کے بیس سفارتکاروں کو چوبیس گھنٹے کے اندر ملک چھوڑنے کو کہہ دیا ہے۔
روسی وزارت خارجہ کے مطابق چیک ری پبلک میں 2014 کے دھماکے کے روسی انٹیلی جنس پر الزامات بے بنیاد ہیں۔ 1989میں مشرقی یوروپ پر سے دس سالہ سوویت تسلط کے خاتمےکے بعد دونوں ملکوں کے درمیان یہ سب سے بڑی کشیدگی ہے۔خیال رہے کہ گذشتہ دنوں امریکی صدارتی انتخاب میں مداخلت کا الزام لگا کر امریکا نے 10 روسی سفارت کاروں کو بے دخل کرنے کا حکم دیا تھا جس پر روس نے بھی جوابی اقدام کے طور پر 10 امریکی سفارتکاروں کو نکالنے کا اعلان کیا۔
