فن لینڈ کی پولیس نے سرکاری خرچ پر ناشتہ کرنے کے سلسلے میں فن لینڈ کی وزیراعظم کے خلاف تحقیقات کا اعلان کردیاہے۔35 سالہ سنا مارین نے سرکاری رہائش گاہ میں قیام کے دوران اہلخانہ کے ناشتے کے بل کی مد میں عوامی خزانے سے ماہانہ 300 یورو وصول کیے جس پر انہیں سخت عوامی ردعل کا سامنا ہے۔سوشل میڈیا پر بحث میں عوام نے وزیراعظم سے استعفے کا مطالبہ کردیا ہے اور کہا ہے کہ رقم واپس کریں، استعفی دیں اور گھر جائیں۔اس حوالے سے وزیراعظم سنا مارین کا کہنا ہے کہ یہ کوئی نئی بات نہیں ان سے پہلے جو شخصیات اس عہدے پر براجمان رہیں انہیں بھی اس مد پر خرچ کرنے کے لئے رقم ملتی تھی۔ یہ تو بات ہے فن لینڈ کی ایک ہمارا ملک ہے جہاں عوام کی خدمت کے نام پرمنتخب ہونے والے سیاسی لیڈر سرکاری خزانہ لوٹتے کھسوٹتے رہتے ہیں اور انکے خلاف کوئی کاروائی نہیں ہوتی۔
