اورنگ آباد کے معروف دانشور و شاعر ڈاکٹر ارتکاز افضل ، رضا جالنوی اور مزاح نگار سعید خان زیدی کی ادبی خدمات کے اعتراف میں عالم گیر ادب کی جانب سے ایک جلسہ تہنیت منعقد کیا گیا۔ اس جلسے میں صاحب اعزاز حضرات کی ادبی خدمات پر روشنی ڈالی گئی ، ان کے کارہائےنمایاں کا اعتراف کیا گیا ۔ تینوں ادبی شخصیتوں کو تہنیت پیش کی گئی اور انھیں اعزاز سے نوازا گیا ، اس موقع پر ڈاکٹر ارتکاز افضل نے کہا کہ ایک تربیت یافتہ معاشرے کی تشکیل کے لیے تعلیم و تربیت سے وابستگی لازمی ہے ۔ اس جلسے کی صدارت ماہر تعلیم احمد اقبال نے کی جبکہ نظامت کے فرائض جاوید صدیقی نے انجام دیئے ۔ معروف شاعر رضا جالنوی کا کہنا ہیکہ ایسے پروگرام نئی نسلوں کی حوصلہ افزائی میں کلیدی کردار ادا کرتے ہیں ۔
