اورنگ آباد اور عثمان آباد شہروں کے نام تبدیل کرنے کی ریاستی حکومت کی تجویز کے خلاف بامبے ہائی کورٹ میں عرضی داخل کی گئی ہے۔ یہ عرضی تبدیلی نام مخالف ایکشن کمیٹی کی جانب سے داخل کی گئی ہے۔ اس مفاد عامہ کی درخواست پر ایک اگست کو سماعت ہوگی ۔اس بات کی جانکاری متحدہ ایکشن کمیٹی کے ذمہ داروں نے دی ہے۔اس معاملے میں ایکشن کمیٹی کی جانب سے ایڈووکیٹ یوسف مچھالہ پیروی کررہے ہیں۔ این سی پی لیڈر مشتاق احمد کا کہنا ہے کہ ایک مرتبہ سپریم کورٹ نے جس معاملے پر اسٹے دیدیا تو دوبارہ اسے عدالت میں نہیں لیجایا جاسکتا ہے۔ اسی نکتہ پر قانونی لڑائی جاری رہے گی ۔
