اونٹاریو میں مقتول پاکستانی خاندان کی یاد میں ہونے والے اجتماع سے خطاب کرتے ہوئے وزیراعظم جسٹن ٹروڈو نے کہا کہ اسلامو فوبیا ایک حقیقت ہے اور نسلی تعصب بھی ایک حقیقت ہے۔ جسٹن ٹروڈو نے کہا کہ خطرات کا شکار کمیونٹیز کا تحفظ کیا جائےگا اور منافرت کا مقابلہ کریں گے۔ دائیں بازو کے انتہا پسندگروہوں کو دہشتگردوں کی فہرست میں ڈالاجائےگا، ہم مل کرایکشن لیں گے اور اکٹھے آگے بڑھنے کا راستہ نکالیں گے۔انہوں نے کہا کہ تین نسلوں کے قتل کے غم کوکم کرنے کے لیے الفاظ نہیں، ہمارے ایسے الفاظ نہیں کہ تکلیف اورکمیونٹی کے غم وغصےکوکم کرسکیں، اس معصوم بچےکے مستقبل کے حوالے سے الفاظ نہیں ہیں، اس واقعے نے معصوم بچےکے مستقبل کو چھینا۔
جسٹن ٹروڈو کا کہنا تھا کہ اسلامو فوبیا ایک حقیقت ہے اور نسلی بھی تعصب ایک حقیقت ہے لیکن آپ اکیلے نہیں ، کینیڈا کے تمام باشندے آپ کے ساتھ کھڑے ہیں، مسلم کمیونٹی نے اس شہرکو مضبوط کیا، ہم آپ کے ساتھ ہیں، ہمارے درمیان یہ معاہدہ تھاکہ بطورکینيڈین ہم سب ایک دوسرےکا خیال رکھیں گے، کینیڈا کے مسلمانوں کے لیے یہ معاہدہ کئی بار توڑا گیا۔
