پاکستان نے چین کے تعاون سے کورونا کی ویکسین تیار کی ہے۔ پاک ویک نامی اس ویکسین کو پاکسستانی حکومت نے انقلابی قدم سے تعبیر کیا ہے۔ پاکستان کے مرکزی پلاننگ وزیر اسد عمر کا کہنا ہیکہ اس ویکسین کی بڑی پیمانے پر تیاری جلد ہی شروع کردی جائے گی۔پاکستانی اخبار ڈان کے مطابق پاک ویک ویکسین کو چین کی سرکاری دواساز کمپنی کینسینو کے تعاون کے ساتھ تیار کیا گیا ہے۔ اسے پاکستان کے نیشنل انسٹی ٹیوٹ آف ہیلتھ میں پیکیج کیا جائے گا۔ پاکستان نے کورونا کی ویکسین تیار تو کرلی ہے لیکن ایک سروے کے مطابق پاکستان میں چینی ویکسین سائنوفارم ہی لوگوں کی پہلی پسند ہے۔ مغربی ملکوں میں تیار ویکسین لینے سے پاکستانی باشندے پرہیز کرتے ہیں۔
