چھوٹی بچت اسکیموں اور پی پی ایف پر ملنے وال شرح سود کو کم کرنے کے فیصلے کو رات بھر میں واپس لے لیا گیا ہے
بزرگوں کے لئے مخصوص بچت اسکیموں پر ملنے والا فائدہ بھی کمکرنے کا فیصلہ کیا گیا تھا۔۔ آیئے ذرا تفصیل سے جاننے کی کوشش کرتے ہیں کہ آج یعنی یکم اپریل سےملک کے محنت کش طبقے، متوسط طبقے اور بزرگوں کو حکومت کے تازہ فیصلوں سے کس طرح نقصان برداشت کرنا پڑتا۔ چھوٹی بچت اسکیموں پر گاہک کو ملنے والا سود چار فیصد سے گھٹا کر ساڑھے تین فیصد سالانہ کردیا گیا تھا۔ نجی کمپنیوں کے ملازمین کو پی پی ایف پر سالانہ 7.1 فیصد سود ملتا تھا اسے گھٹا کر 6.4 فیصد سالانہ کردیا گیا تھا۔
بزرگ شہریوں کے لئے مخصوص بچت اسکیموں پر ملنے والا سود 7.4 فیصد سے گھٹا کر 6.5 فیصد کوارٹرلی کردیا گیا تھا۔پیٹرول، ڈیزل اور رسوئی گیس سلنڈر سمیت ضروری اشیا کی مہنگائی کی مار بھی سماج کے اسی طبقے پر پڑتی ہے۔ خاص بات یہ ہیکہ سماج کے متوسط طبقے کو مالی نقصٓن سے دوچار کرنے والے حکومت کے ان فیصلوں کی خبر اہم میڈیا اداروں کے نیوز بلیٹن سے غائب رہی۔
