دنیا بھر میں عزاداری کےلئے منفرد مقام کھنے والے اتردیش کے شہر امروہا میں ایام عزا کا آخری دن روایتی عقیدت اور احترا م کے سا تھ مکمل ہوا۔ جلوس پر پابندی تھی اس لئے آٹھ ربیع الاول کے مراسم عزا عزاخانوں تک ہی محدود رہے۔مختلف عزاخانوں میں امام حسن عسکری کے یوم شہادت کی مناسبت سے انکے فضئل اور مصائب بیان کئے گئے۔
کچھ عزاخانوں میں مجالس کے بعد شبیہہ تابوت اور شبیہ ذولجناح کی زیارت کرائی گئی۔ ایام عزا کے آخری روز برامد ہونے والے جلوس کی خصوصیت یہ رہتی ہیکہ جس عزاخاہ میں یہ جلوس پہونچتا ہے وہاں نصب سیاہ پرچم کو اتار لیا جاتا ہے۔
عزا خانہ چاند سورج، عزاخانہ مجاپوتہ عزاخانہ مسمات چھجی اور عزاخانہ عزیز النسا میں امام حسن عسکری کی شہادت کی مناسبت سے مجالس عزا کا اہتمام کیا گیا۔
ان مجالس عزا سے مولانا اطہر کاظمی، مولانا شہوار اور دیگر نے خطاب کیا۔نزر و نیاز کا سلسلہ بھی مختلف عزاخانوں اور محلوں میں جاری رہا۔
