مہاراشٹر ایوان اسمبلی میں اورنگ آباد اور عثمان آباد کے نام تبدیل کرنے پر اعتراض کرنے والے ایس پی لیڈر و رکن اسمبلی ابوعاصم اعظمی کو فون پر جان سے مارنے کی دھمکی دی گئی ہے ۔اعظمی نے کہا تھا کہ ادھوسرکار نے شہروں کا نام تبدیل کرکے کیا پیغام دیا ہے شہروں کے ناموں کو تبدیل کر نے کے بجائے نئے شہر بسائے جائیں تو بات بنے۔ آج خصوصی ایوان اسمبلی میں رئیس شیخ نے اس جانب توجہ مبذول کرائی اور کہا کہ ایک رکن اسمبلی کو اس قسم کی دھمکی ملنا خطرناک ہے انہوں نے کہا کہ ابوعاصم اعظمی نے تو اپنی بات ایوان میں رکھی تھی کیونکہ ادھو سرکار نے آخری روز ہی نوٹیفکیشن جاری کر کے ناموں کو تبدیل کر نے کا فرمان جاری کیا تھا ۔ رئیس شیخ نے کہا کہ سماجوادی پارٹی نے فلور ٹیسٹ اور اسپیکر کے الیکشن سے بھی علیحدگی اختیار کی ہے کیونکہ ادھو ٹھاکرے سرکار نے جو فیصلہ کیا تھا وہ کامن منیمم پروگرام مشترکہ پروگرام کے مطابق نہیں تھا اسی پر اعظمی نے اعتراض درج کروایا تھا لیکن افسوس کہ انہیں دھمکی دی جارہی ہے۔
