امریکی صدر ایران میں جنگ کی دلدل میں پھنسے ہوئے ہیں۔امریکہ کا کوئی اتحادی اسکا ساتھ نہیں دے رہا ہے۔ ایران امریکہ کی مذاکرات کی منتوں کو ٹھکرا رہا ہے۔ امریکہ کی چودھراہٹ ختم ہوتی جارہی ہے۔ ٹرمپ کو جیسی ذلت و رسوائی کا سامنا ہے ویسی تو ماضی میں کسی امریکی صدر کے حصے میں نہیں آئی۔
‘ڈراپ سائٹ نیوز’ کے جیرمی اسکیہل نے اہنی ایک رپورٹ میں دعویٰ کیا ہیکہ ‘پردے کے پیچھے دراصل ٹرمپ انتظامیہ ہی بات چیت کی درخواست کر رہی تھی۔”
دو ایرانی حکام نے ‘ڈراپ سائٹ’ کو بتایا کہ ٹرمپ کے خصوصی ایلچی اسٹیو وٹکوف نے گزشتہ ہفتے تہران کے حکام، جن میں وزیر خارجہ عباس عراقچی بھی شامل ہیں، کو ذاتی طور پر پیغامات بھیجے تاکہ مذاکرات دوبارہ شروع کرنے کے امکانات تلاش کیے جا سکیں۔ ایران نے وٹکوف کو کوئی جواب نہیں دیا۔ ایرانی حکام نے یہ بھی بتایا کہ ایران کو تیسرے ممالک کے ذریعے وائٹ ہاؤس کی جانب سے پیغامات موصول ہوئے ہیں،”
‘ڈراپ سائٹ’ نے مزید رپورٹ کیا کہ ایک “سینئر ایرانی عہدیدار” کے مطابق وٹکوف نے بارہا امن مذاکرات دوبارہ شروع کرنے کی کوشش کی، مگر “ایران نے ایک بار پھر کسی بھی براہِ راست مذاکرات کا دروازہ بند کر دیا ہے۔”
دوسری جانب، ٹرمپ مسلسل جھوٹ بول رہے ہیں اور دعویٰ کرتے ہیں کہ ایران کی قیادت “شدت سے مذاکرات چاہتی ہے” اور یہ بھی کہتے ہیں کہ امریکہ آسانی سے جنگ جیت رہا ہے۔ حقیقت میں، ایران امریکی اڈوں اور اسکے خلیجی اتحادیوں کے تیل کے ڈھانچے پر شدید حملے کر رہا ہے۔ آبنائے ہرمز مغربی جہازوں کے لیے بند ہو چکی ہے، جس کے باعث عالمی تیل کی قیمتوں میں تیزی سے اضافہ ہوا ہے۔ حقیقت یہ ہے کہ اصل برتری ایران کے پاس ہے۔ وہ سمجھ چکا ہے کہ یہ اس کی بقا کی جنگ ہے۔ اگر وہ امریکہ کو یہ جنگ ختم کرنے دیتا ہے — جبکہ اس کے رہنما کو قتل کیا گیا اور اس کی خواتین اور بچوں کو بمباری میں نشانہ بنایا گیا — تو ممکن ہے کہ امریکہ اور اسرائیل چند ماہ بعد دوبارہ ہتھیار جمع کر کے حملہ کریں۔ ایران نے حساب لگا لیا ہے کہ اس وقت طویل جنگ برداشت کرنا بہتر ہے تاکہ مستقبل میں جارحیت کی حوصلہ شکنی ہو۔
ٹرمپ انتظامیہ نے حسبِ توقع ‘ڈراپ سائٹ ‘کی رپورٹ کو مسترد کردیا ۔
وائٹ ہاؤس کے ترجمان کے مطابق
“انتہا پسند بائیں بازو کا ‘ڈراپ سائٹ نیوز’ واضح طور پر ایرانی دہشت گرد حکومت کا ساتھ دے رہا ہے — اور اس قسم کی رپورٹس، جو محض افسانوں پر مبنی ہیں اور نامعلوم ذرائع کا حوالہ دیتی ہیں۔
یقیناًMAGA یعنی: “امریکہ کو دوبارہ عظیم بناؤ“ کی دنیا میں ڈونلڈ ٹرمپ کی حد سے زیادہ تعریف کے علاوہ ہر چیز کو “انتہا پسند بائیں بازو کی جعلی خبر” قرار دیا جاتا ہے۔ اب یہ الزامات بے اثر ہو چکے ہیں۔ ٹرمپ کی شخصیت پرستی سے باہر ہر شخص کے لیے یہ واضح ہے کہ یہ جنگ — ایک اخلاقی المیہ اور تاریخی جرم ہونے کے ساتھ ساتھ — ایک اسٹریٹجک تباہی بھی ہے۔ جب یہ آخرکار ختم ہوگی، تو اسے شروع کرنے والوں سب کے خلاف تحقیقات ہونی چاہئیں اور انہیں جنگی جرائم کے تحت سزا دی جانی چاہیے۔۔
