انسان کو بیدار تو ہولینے دو۔۔۔ ہر قوم پکارے گی ہمارے ہیں حسین۔
جوش ملیح آبادی کے یہ دو مصرعے آج محرم کے تعلق سے بہت صادق آتے ہیں۔ آج دنیا کا کوئی گوشہ ایسا نہیں ہے جہاں شہیدان کربلا کا غم نا منایا جاتا ہو۔ جہاں جہاں انسانوں کی بستیاں آباد ہیں وہاں وہاں اممام حسین اور حق و صداقت کی راہ میں انکی قربانی کو یاد کیا جاتا ہے۔
تھائی لینڈ میں بھی محرم میں بڑے عقیدت کے ساتھ امام حسین کا ماتم کیا جاتا ہے۔ راجدھانی بنکاک میں عاشورہ کو ایک ماتمی جلوس برامد ہوتا ہے۔ اس جلوس کی خاصیت یہ ہیکہ اس میں شامل عزادار کفن پہنے ہوئے ہوتے ہیں۔ جلوس میں روایتی طور سے تیار تعزیے اور علم بھی ہوتے ہیں۔ بنکاک میں کئی عزاخانے ہیں جہاں مجلس ، ماتم اور نوحہ خوانی کی جاتی ہے۔
