روس کے جنوبی شہر کازان میں ایک اسکول میں اندھا دھند فائرنگ کی گئی ہے۔ تاتارستان ریپبلک کے گورنر رستم منی خانوف کا کہنا ہیکہ چار طلبا اور تین طالبات ہلاک ہوئی ہیں۔ کازان تاتارستان کی راجدھانی ہے۔انٹرفیکس خبر رساں ایجنسی کے مطابق دو بندوق برداروں نے اسکول پر فائرنگ کی۔ کچھ ذرائع نے حملہ آور کی تعداد ایک بتائی ہے۔ جسے پولیس نے قابو میں کرلیا۔ حملہ آور کی عمر انیس برس بتائی گئی ہے۔ گرفتار شدہ حملہ آور سے پوچھ تاچھ جاری ہے۔
