ریلائینس انڈسٹریز کے مالک مکیش امبانی ایک بار پھر ایشیا کے امیر ترین شخص بن گئے ہیں۔ انہوں نے یہ مقام چین کے بے حد مالدار بزنس مین جیک ما کو پیچھے چھوڑ کر حاصل کیا ہے۔ فوربس میگزین کی اس برس کے امیرترین افراد کی فہرست کے مطابق ہندستان دنیا میں کھرب پتیوں کی تعداد کے معاملے میں تیسرے نمبر پر ہے۔۔
ایشیا کے امیر ترین شخص کے طور پر جیک ما گزشتہ برس پہلے نمبر پر تھے۔ مکیش امبانی ہندستان ہی نہیں بلکہ ایشیا کے امیر ترین شخص ہیں جبکہ دنیا کے امیرترین افراد کی فہرست میں انکا نمبر دسواں ہے۔ مکیش امبانی مجموعی طور سے 84.5 بلین امریکی ڈالر کے مالک ہیں۔
ایشیامیں دولت مندوں کی فہرست میں دوسرے نمبر پر گوتم اڈانی براجمان ہیں۔ ایک طرف کوورونا اوراسکی وجہ سے لاک ڈاؤن کے سبب ملک میں بیروز گاری میں بے انتہا اضافہ ہوا ہے۔ فیکٹریاں اور کارخانے بند ہوئے ہیں۔عام آدمی کو روٹیوں کے لالے پڑے ہوئے ہیں۔ امیر اور امیر ہوتا چلا جارہا ہے۔ لاک ڈاؤن کے دوران مکیش امبانی اور اڈانی کی دولت میں اضافہ ہی ہوا ہے۔۔
