مغربی بنگال کی وزیر اعلیٰ نے الیکشن کمیشن پر ایک بار پھر بی جے پی کے اشاروں پر کام کرنے کا الزام لگایا ہے۔گالسی کے مقام پر ایک ریلی سے خطاب کرتے ہوئے ممتا بنرجی نے کہا کہ ہم نے الیکشن کمیشن سے کہا تھا کہ کورونا کے بڑھتے معاملوں کو دیکھتے ہوئےتین مراحل کے چناؤ کو ملا کر ایک کردیا جائے لیکن کمیشن نے ایسا نہیں کرکے چناؤ مہم کی مدت کم کردی۔
ممتا نے سوال پوچھا کہ کہ اگر چناؤ مہم کی مدت کم کی جاسکتی ہے تو تین مراحل کو ملا کر ایک کیوں نہیں کیا جاسکتا۔ ممتا بنرجی نے چناؤ کمیشن پر بی جے پی کے اشاروں پر کام کرنے کا الزام لگاتے ہوئے کہا کہ اگر ریاست میں کورونا کے تعلق سے کوئی بڑا حادثہ ہوا تو اسکے لئے چناؤ کمیشن ذمہ دار ہوگا۔ کورونا کی وجہ سے دو امیدواروں کی جان اب تک جا چکی ہے۔
