ملک میں نفرت کی کھیتی لہلہا رہی ہے اور کثرت میں وحدت کا تصور خاک میں ملتا جارہا ہے۔ مذہب کے نام پر لوگ اندھے ہو کر دوسرے مزہب کے ماننے والوں کو تباہ و برباد کرنے کی باتیں کررہے ہیں۔ایسے ماحول سے فلم اور ٹی وی کی دنیا کی ہستیوں میں بے چینی ہے۔
ٹیلی ویزن، فلم اور تھئیٹر کی معروف اداکارہ رتنا پاٹھک شاہ نے لوگوں سے ایک بار پھر کثرت میں وحدت کے جزبے کو فروغ دینے کی اپیل کی ہے۔
ایک ویڈیو پیغام میں رتنا پاٹھک نے کہا کہ کثرت میں وحدت ہی ہمارے ملک کی پہچان رہی ہے لیکن آج یہ پہچان خطرے میں ہے۔ یوم آزادی کے حوالے سے رتنا پاٹھک نے کہا ہیکہ نفرت کو مٹانے کے لئے مختلف مذہبوں کے لوگوں کا آپس میں ملنا جلنا بہت ضروری ہے۔آپسی میل جول بڑھانے کے لئے رتنا پاٹھک نے نعرہ دیا ہے” کبھی ہمارے گھر آؤ۔ کبھی ہمیں بھی اپنے یہاں بلاؤ”۔
رتنا پاٹھ شاہ معروف اداکار نصیر الدین شاہ کی اہلیہ ، گزرے زمانے کی کیریکٹر آرٹسٹ دینا پاٹھک کی دختر اور معروف ٹی وی آرٹسٹ سوپریہ پاٹھک کی بہن ہیں۔
