ہندستان کی فٹبال ٹیم کے کپتان سنیل چھیتری نے بین الاقوامی مقابلوں میں زیادہ گول کرنے کی دوڑ میں ارجنٹائن کے اسٹار فٹبالر لیونل میسی کو پیچھے چھوڑ دیاہے۔بین الاقوامی میڈیا رپورٹس کے مطابق سنیل چھیتری نے قطر کے درالحکومت دوحہ میں ورلڈکپ 2022 کے کوالیفائینگ میچ میں بنگلادیش کے خلاف 2 گول کرکے ٹیم کی فتح میں اہم کردار ادا کیا جبکہ ہندستان نے اس میچ میں 0-2 سے کامیابی حاصل کی۔میچ میں شاندار کارکردگی کے ساتھ ساتھ ہندستانی ٹیم کے کپتان نے انٹرنیشنل گولز میں ارجنٹائن کے لیونل میسی کو بھی پیچھے چھوڑیا ہے اور ساتھ ہی وہ سب سے زیادہ گول کرنے والے دنیا کے دوسرے کھلاڑی بن گئے ہیں۔
سنیل نے بین الاقوامی مقابلوں میں 74 گول کیے ہیں جبکہ میسی اب تک 72 گول کرسکے ہیں اور یوں وہ چوتھی پوزیشن پر چلے گئے ہیں۔بین الاقوامی میچز میں 103 گول کے ساتھ پرتگال کے کرسٹیانو رونالڈو سرفہرست ہیں جبکہ متحدہ عرب امارات کے علی مختوب تیسری پوزیشن پر آگئے ہیں۔
