مائیکرو سافٹ کے بانی بل گیٹس کی بیٹی جنیفر گیٹس نے اپنے مسلمان مصری دوست نائل ناصر سے شادی کرلی۔غیر ملکی میڈیا کے مطابق 16 اکتوبر کو ایک محدود تقریب میں پہلے مسلم طریقے کے تحت شادی انجام پائی جس کے بعد نیویارک میں ہونے والی تقریب میں جنیفر گیٹس اور نائل ناصر عیسائی طریقے سےشادی کے بندھن میں بندھ گئے۔میڈیا رپورٹس کے مطابق اس شادی پر 20 لاکھ ڈالرز کا خرچ آیا جبکہ شادی والے دن حکام نے سڑکیں ٹریفک کے لیے بند کردی تھیں۔
غیر ملکی میڈیا رپورٹس کے مطابق شادی کی یہ تقریب جنیفر کے ویسٹ چیسٹر ہارس فارم میں منعقد ہوئی جس میں سیکڑوں مہمان شریک ہوئے۔واضح رہے کہ جنیفر گیٹس اور نائل ناصر کے درمیان 2017 سے قریبی تعلقات تھے ۔ دونوں نے30 جنوری 2020 میں منگنی کرلی تھی۔
