ہندستان میں رہنا ہوگا بندے ماترم کہنا ہوگا۔ دیش کے غداروں کو جوتے ماروں سالوں کو یہ نعرے ایک احتجاجی ہجوم میں شامل لوگ لگا رہےتھے۔ یہ احتجاج حکومت کی کسی عوام مخالف پالیسی کے خلاف نہیں کیا گیا تھا بلکہ گجرات کے آنند میں ایک مسلم کاروباری نے ریسٹوینٹ کھول لیا ہے اس ریسٹورینٹ کے خلاف احتجاج کرنے کے لئے لوگوں کی بھیڑ جمع ہو گئ۔مسلم مرر ڈاٹ کام نے ٹویٹر پر ایک ویڈیو جاری کیا جس میں ریسٹورینٹ کے سامنے احتجاجی نعرے بازی کرتے نظر آرہے ہیں۔احتجاجیوں میں شامل خواتین نے ریسٹورینٹ کے سامنے سڑک پر پانی بہایا۔
مسلمانوں کی دوکانیں اور کاروباری ادارے ہندو شدت پسندوں کے نشانے پر ہیں۔ حال ہی میں کرناٹک میں بیلگاوی کے نواح میں مسلمان کی ایک پولٹری کی دوکان پر شدت پسندوں نے حملہ کیا اور دوکان کو تہس نہس کرڈالا۔ بیلگاوی شہر میں حالیہ ہفتوں میں مسلمانوں کے تئیں نفرت کے کئے واقعات رونما ہوئے تھے۔
