نائجیریا کی لاگوس ریاست میں درد ناک حادثے میں 17 زیادہ بچے ٹرک سے کچل گئے۔ متعدد بچے زخمی بھی ہوئے ہیں۔واقعہ کے بعد مشتعل لوگوں نے ٹرک پر حملہ کرکے اسے آگ لگا دی۔ انہوں نے قریب واقع پولیس اسٹیشن پر بھی حملہ کیا۔ ذرائع کے مطابق ٹرک کا ڈرائور کنٹرول نہیں رکھ سکا اور ٹرک اسکول کے سامنے کھڑے بچوں پر چڑھ گیا۔ بچے سڑک کراس کرنے کے لئے وہاں کھڑے تھے۔
پولیس کے مطابق ٹرک ڈرائیور نے بچوں پر ٹرک چڑھانے کے بعد بھاگنے کی کوشش کی لیکن پولیس اسے پکڑ پولیس اسٹیشن لے گئی۔ لوگوں نے ڈرائورپر حملہ کرکے اسے مارنے کی کوشش کی لیکن پولیس نے ایسا نہیں ہونے دیا۔ مشتعل لوگوں نے پولیس اسٹیشن کو آگ لگانے کی کوشش کی لیکن پولیس نے ہجوم کو منتشر کردیا۔
لوگوں کےاشتعال کے سبب بے قابو حالات کو کنٹرول کرنے کے لئے پولیس کو کافی مشقت کرنا پڑی۔لوگوں نے توڑ پھوڑ اور آگ زنی کی۔۔
