اورنگ آباد کے مولانا آزاد ریسرچ سینٹر میں ایس ڈی پی آئی یعنی سوشل ڈیموکریٹک پارٹی آف انڈیا کا اجلاس ہوا۔ اس اجلاس میں بی جے پی حکومت کی عوام دشمن پالیسیوں کے خلاف جمہوری طریقے سے احتجاج درج کرانے اور عوام میں بیداری پیدا کرنے کا عزم ظاہرکیا گیا۔
اجلاس میں ریاست گیر سطح پر ریلیاں نکالنے کا فیصلہ کیا گیا ۔ ایس ڈی پی آئی کے ذمہ داروں نے میڈیا سے بات چیت میں پاپولر فرنٹ کے خلاف کریک ڈاؤن کی کارروائی کو حکومت کی خوف و ہراس پھیلانے کی پالیسی سے تعبیر کیا ۔ ان کا کہنا ہیکہ دستور کی روشنی میں حق کے لیے آواز اٹھانے والوں کو خاموش کرنے کی کوشش کی جارہی ہے ۔ ایس ڈی پی آئی نے پی ایف آئی کے خلاف کارروائی کی پرزور مذمت کی ہے ۔
