کورونا کے کیسوں میں اضافے کو دیکھتے ہوئے ضلع میں لاک ڈاؤن نافز کرنے کا فیصلہ ضلع انتظامیہ نے واپس لے لیا ہے۔ عوام اور حلقے سے رکن پارلیمنٹ امتیاز جلیل لاک ڈاؤن کی شدید مخالفت کر رہے تھے۔ ضلع کلکٹر سنیل چوہان نے لاک ڈٓاؤن کا فیصلہ واپس لینے کا اعلان کیا ہے۔
ادھر لاک ڈاؤن کی مخالفت میں اکتیس مارچ کو عوامی ریلی نہیں نکالنے کا بھی فیصلہ کیا گیا ہے۔ امتیاز جلیل نے ریلی نکالنے کا اعلان کیا تھا۔ ادھر سرکاری اسپتالوں میں طبی عملے کی خالی پڑی اسامیوں کو بھی جلد از جلد بھرنے کی رابطہ وزیر نے یقین دہانی کرائی ہے۔ لاک ڈاؤن کے فیصلے کی واپسی کا عوام نے خیر مقدم کیا ہے۔رکن پارلیمنٹ امتیاز جلیل اس سلسلے میں ضلع حکام پر زبردست دباؤ بنائے ہوئے تھے۔
