آسام کے ضلع کریم گنج کے پتھر کنڈی میں اس وقت کشیدگی پھیل گئی جب بی جے پی کے ایم ایل اے کرشنیدو پال کی کار میں الیکٹرانک ووٹنگ مشین ای وی ایم لوگوں نے دیکھی۔ نیوز ویب سائٹ دی کوینٹ کی خبر کے مطابق واقعہ آسام میں دوسرے مرحلے کی پولنگ کے چند گھنٹے بعد کا ہے۔ کار میں ای وی ایم کا ویڈیو وائرل ہوا۔ دی کوینٹ کے رپورٹر نے ویڈیو کو ٹویٹ کیا۔ ویڈیو وائرل ہونے کے بعد پتھر کنڈی میں حالات کشیدہ ہو گئے۔ الیکشن کمیشن نے اس سلسلے میں ابھی کوئی کاروائی نہیں کی ہے۔
