آسٹریلیائی فاسٹ بالر پیٹ کمنز نے ہندستان کی اس مشکل وقت میں مدد کے لئے ہاتھ بڑھایا ہے۔ انہوں نے کورونا کی وبا کے ہاہاکار کے دوران آکسیجن کی کمی کو دیکھتے ہوئے آکسیجن آلات کے لئے پچاس ہزار ڈالر عطیہ کیا ہے۔ اس طرح اس آسٹریلیائی کھلاڑی نے کروڑ پتی ہندستانی کھلاڑیوں کو غیرت دلانے کی کوشش کی ہے۔ اب تک کسی ہندستانی کرکٹر یا کسی اور شعبہ کے کھلاڑی کی جانب سے ملک کی اس مشکل گھڑی کو دیکھتے ہوئے کسی مالی تعاون کی کوئی پیشکش نہیں کی گئی ہے۔ پیٹ کمنز کا عطیہ ہندستانی کرکٹرز کے منہہ پر زوردر طمانچہ ہے جو ملکی حالات سے لاپرواہی آئی پی ایل کھیلنے میں مست ہیں۔
