بنارس وزیر اعظم نریندر مودی کا حلقہ انتخاب ہے۔ بنارس ہندو یونیورسٹی کی طلبا یونین کے انتخاب میں کانگریس کی طلبا شاخ این ایس یو آئی نے بازی ماری ہے۔ این ایس یو آٗئی کے امیدواروں نے بی جے پی کی طلبا شاخ اکھل بھارتیہ ودیارتی پریشد اے بی وی پی کے امیدواروں کو شکست دی ہے۔ این ایس یو آئی کے کرشن موہن شکلا یونین کے نئے صدر منتخب ہوئے ہیں۔ جبکہ اجت کمار چوبے نائب صدر منتخب ہوئے ہیں۔ شیوم چوبے جنرل سکریٹری منتخب ہوئے۔ وزیر اعظم مودی کے حلقے میں بی جے پی کی طلبا شاخ کےامیدواروں کی شکست بہت اہمیت کی حامل ہے۔ نتائج کو اتر پردیش سے بی جے پی کی حکومت کے خاتمے کی ابتدا کہا جارہا ہے۔
