روس کے معاملے پر نیٹو اور امریکہ میں زبردست اختلافات پیدا ہو گئے ہیں۔ جو بائڈن انتظامیہ نے صدارتی انتخابات میں مداخلت کا الزام لگاتے ہوئے روس پر پابندیاں لگا دی ہیں۔ غیر ملکی میڈیا کا بتانا ہے کہ صدارتی انتخابات میں مداخلت کے الزام میں 32 انفرادی شخصیات پر پابندیاں لگائی گئی ہیں۔دوسری جانب نیٹو اتحادی ملکوں نے امریکی پابندیوں کے اعلان پر روس کی حمایت کا اعلان کردیا۔ادھر امریکی پابندیوں پر روسی وزارت خارجہ نے امریکی سفیرکوطلب کرلیا اور روسی وزارت خارجہ کی جانب سے امریکا کو جلد جارحانہ جواب دینے کا اعلان کیا گیا ہے۔روسی وزارت خارجہ کے ترجمان نے کہا کہ امریکا کی نئی پابندیاں امریکی صدر بائیڈن کی روس کےساتھ تعلقات معمول پر لانے کی خواہش کے برعکس ہیں جب کہ روس متعدد دفعہ امریکا کو مخالفانہ اقدامات کے نتائج سے خبردار کرچکا ہے۔۔
