پاکستانی حکومت نے تحریک لبیک پاکستان کو کالعدم قرار دے دیا ہے۔ اس سلسلے میں نوٹیفکیشن جاری کردیا گیاہے۔انسداد دہشت گردی ایکٹ 1997کے تحت تحریک لبیک پاکستان کو کالعدم قرار دیا گیا ہے۔نوٹیفکیشن کے مطابق تحریک لبیک پاکستان ملک میں دہشت گردی اور دوسرے گھناؤنے جرائم میں ملوث ہے۔ نوٹیفکیشن میں کہا گیا ہے کہ ٹی ایل پی ملک میں لوگوں کواکسا کر انتشار پیدا کرنے سمیت قانون نافذ کرنے والے اداروں کے اہلکاروں کی اموات اور زخمی کرنے میں ملوث ہے
۔ذرائع کے مطابق تنظیم کے اثاثے منجمد کرنے کی کارروائی کا آغاز بھی کر دیا گیاہے۔ذرائع کا بتانا ہے کہ تحریک لبیک کے مرکزی عہدیداروں کے شناختی کارڈ اور پاسپورٹ بھی بلاک کیے جا رہے ہیں۔
