مغربی بنگال کی وزیر اعلیٰ ممتا بنرجی نےاعلیٰ غیر بی جے پی لیڈروں کو نجی طور سے خطوط لکھے ہیں۔ اپنے خط میں ممتا بنرجی نے بی جی پی اور اسکی حکومت کے ذریعے جمہوریت اور ملک کے آئینی وفاق پر اسکے حملوں کو اجاگر کیا ہے۔ بنگال اسمبلی چناؤ کے دوسرے مرحلے سے عین پہلے لکھے گئے اس خط کے ذریعے ممتا بنرجی نے ان سے بی جے پی سے مقابلے کے لئے حمایت طلب کی ہے۔
ملک کی جمہوریت اور وفاقی ڈھانچے پر بی جے پی کے حملے کا ذکر کرتے ہوئے ممتا بنرجی نے لوک سبھا اور راجیہ سبھا کے ذریعے حال ہی میں منظور خطہ قومی راجدھانی ترمیمی بل کا حوالہ دیا۔ انہوں نے اسے نہایت سنگین واقعہ بتایا۔
سو نیا گاندھی، شرد پوار،ایم کے اسٹالن، اکھیلیش یادو، تیجسوی یادو، اودھو ٹھاکرے، اور دیگر لیڈروں کے نام اپنے تین صفحات پر مشتمل خط میں ممتا بنرجی نے لکھا ہیکہ مرکز کی بی جے پی حکومت ملک میں ایک ہی پارٹی کی مطلق العنان حکومت قائم کرنا چاہتی ہے۔
