اٹلی کے ہوائی اڈے کے ملازمین نے یوکرین کو ہتھیار بھیجے جانے کی مخالفت کی اور جہاز میں ہتھیار لادنے سے انکار کردیا۔ یہ ہتھیار نیٹو کی جانب سے انسانی ہمدردی کی بنیاد پر امدادی سامان کی آڑ میں یوکرین بھیجے جارہے تھے۔ واقعہ پیسا انٹر نیشنل ہوائی اڈ ے کا ہے۔ اسے گیلیلو ہوائی اڈہ بھی کہا جاتا ہے۔ ہوائی اڈے کے ملازمین اور پیسا شہر کے ہزاروں افراد نے یوکرین ہتھیار بھیجے جانے کی مخالفت کی۔ملازمین نے ہتھیار جہاز میں لوڈ کرنے سے انکار کردیا۔
مغربی ممالک بالخصوص امریکہ یوکرین کو ہتھیار سپلائی کرتا رہا ہے۔ روسی صدر پوتین متنبہ کر چکے ہیں کہ مغربی ممالک یوکرین کو ہتھیار اور فوجی بھیج کر حالات کو مزید سنگین بنا رہے ہیں۔
