ہندستان اور پاکستان کے درمیان سرکاری سطح پر بہت فاصلے قائم ہیں لیکن دونوں ملکوں کے عام لوگوں کے دل ایک دوسرے کے بہت قریب ہیں۔ ابھی ایشیا کپ میں دونوں ملکوں کی ٹیموں کے درمیان میچ ہوا۔ دونوں ملکوں کے کھلاڑی ایک دوسرے کے ساتھ ہنسی مذاق کرتے نظر آئے۔ ایسا ہی ایک نظارہ لندن کے اس استال میں نظر آیا جہاں پاکستانی کرکٹ کے ایک عظیم بلے باز ظہیر عباس زیر علاج ہیں۔ ظہیر عباس کی عیادت اور مزاج پرسی کے لئے ہندستان کے دو عظیم سابق کرکٹرز اور ایک موجودہ کھلاڑی پہونچے۔ ظہیر عباس کی عیادت کے لئے کپل دیو، سنیل گواسکر اور شکھر دھون لندن کے اسپتال پہونچے۔ انہیں دیکھ کر ظہیر عباس خوشی سے پھولے نہیں سمائے۔ تصویر میں چاروں کھلاڑیوں کے چہرے پر کھلی مسکراہٹ یہ ظاہر کرنے کے لئے کافی ہیکہ ان لوگو ں کے دل ایک دوسرے کے کتنے قریب ہیں۔
