یوکرین پر روس کے حملے جاری ہیں۔ بڑے پیمانے پر جانی اور مالی تباہی ہو رہی ہے لیکن اس دوران بھی فوجیوں کے اندر عشق کا جزبہ جوان ہے۔ ایک چیک پوسٹ پر تیعنات ایک فوجی نے بڑے انوکھے طریقے سے اپنی گرل فرینڈ کو شادی کی پیش کش کی۔ اسکا ویڈیو سوشل میڈیا پر وائرل ہورہا ہے۔
سوشل میڈیا پر وائرل ویڈیو میں دیکھا جا سکتا ہے کہ یوکرین میں سکیورٹی اہلکار ایک کار کو چیک پوسٹ پر روک کر اس کی تلاشی لیتے ہیں، کار میں سوار تمام اہلکار اپنا منہ گاڑی کے شیشوں کی طرف کر کے ہاتھ اٹھا کر کھڑے ہو جاتے ہیں۔
اسی دوران ایک فوجی اہلکار اپنی گرل فرینڈ کے پیچھے گھٹنوں کے بل جھک کر بیٹھ جاتا ہے اور اس کا ہاتھ تھام کر اسے انگوٹھی پیش کرتا ہے۔
یوکرینی فوجی کی گرل فرینڈ کو جب اس واقعے کا اندازہ ہوتا ہے تو وہ خوشی سے جھوم اٹھتی ہے اور انگوٹھی پہن لیتی ہے۔وہاں موجود فوجیوں نے اس منظر کو دیکھ کر خوشی میں تالیاں بجائیں۔
