ایشیاکے سب سے بڑے ” باغ گل لالہ“ کو آج سیاحو ں کیلئے کھول دیا گیا ہے

ایشیاکے سب سے بڑے ” باغ گل لالہ“ کو آج سیاحو ں کیلئے کھول دیا گیاہے ۔ گزشتہ روز وزیر اعظم نریندر مودی نے لوگوں سے اپیل کی کہ وہ جموں کشمیر کے سیاحتی مراکز کی سیر کرکے کشمیری عوام کی مہمان نوازی کا تجربہ کریں ۔ ۔ وزیر اعظم مودی نے ٹویٹ کیاتھا” جب بھی آپ کو موقع ملے جموں کشمیر کی سیر کو ضرور جائیں اورباغ گل لالہ کا نظارہ کریں۔آپ کوگل لالہ کے ساتھ ساتھ جموں کشمیر کے لوگوں کی مہمان نوازی کا بھی تجربہ ہوگا“۔وزیر اعظم مودی نے مزید لکھا کہ باغ گل لالہ کا کھلنا ”جموں کشمیر کے لوگوں کیلئے خاص ہے۔ باغ کو مزید خوبصورت بنانے کیلئے محکمہ فلوری کلچر نے پہلے ہی تمام تر انتظامات کو حمتی شکل دی ہے ۔امسال اس باغ میں64اقسام کے 15لاکھ پھول دیکھنے کو ملیں گے ۔ امید ہے کہ امسال سیاحوں کی اچھی تعداد باغ کی سیر کیلئے آئے گی۔( رپورٹ۔حرہ فیضان ۔کشمیر)