اسرائیلی قبضے والے مغربی کنارے میں فلسطینیوں نے احتجاج کا نیا طریقہ اختیار کر رکھا ہے ۔ اسکی وجہ سے اسرائیلی باشندوں کی راتوں کی نیند حرام ہو گئی ہے۔مغربی کنارے کے بیتہ علاقے کے فلسطینی قابضین کے چنگل سے اپنی سر زمین آزاد کرانے کے لئے اسرائیلی باشندوں پر نفسیات دباؤ بناتے ہیں۔
رات کے وقت فلسطینی جوان اسرائلیوں کی ناجائز بستیوں کے ا طراف ٹائر جلاتے ہیں۔ غزہ پٹی کے فلسطینی بہت پہلے سے یہودی بستیوں کے پاس ٹائر جلا کر اپنا احتجاج درج کرتے رہے ہیں۔اب مغربی کنارے کے فلسطینی بھی احتجاج کے اسی طریقے کو اپنائے ہوئے ہیں۔
