ایران کے ریلوے ذرائع کا کہنا ہیکہ زائرین امام حسین علیہ السلام کی خدمت کے لیے، تہران-کربلا مشترکہ ٹرین آنے والے ہفتوں میں شروع کی جائے گی۔ ذرائع کے مطابق ابتدا میں یہ ٹرین ہفتے میں 4 مرتبہ اس سفر کو طے کرے گی۔
ریلوے حکام کا کہنا ہیکہ زائرین کے رسپانس کو دیکھتے ہوئے یہ ٹرین انشاء اللہ یہ پورےسال چلائی جائے گی۔
گزشتہ سال بھی اربعین کے موقع پر تہران سے کربلا تک ایک مشترکہ ٹرین چلائی گئی تھا۔ وہ اس طرح کہ مسافر ٹرین کے ذریعے شلمچہ جاتے تھے اور وہاں سے 30 کلومیٹر سفر کر کے بصرہ جاتے تھے اور بصرہ سے ٹرین کے ذریعے کربلا جاتے تھے۔
ایران اور عراق کے ریلوے حکام کے درمیان قائم مفاہمت کے نتیجے میں شلمچہ سے بصرہ تک براہ راست ٹرین چلانے کی کوششیں کی جا رہی ہیں لیکن اس کام میں کم از کم 18 ماہ لگیں گے۔ اس پروجکٹ کے مکمل ہونے کے بعد ایران سے عراق تک براہ راست ٹرین کا سفر آسان ہو جائے گا۔
