ہر برس کی طرح اس برس بھی لندن میں امام حسین اور انکے رفیقوں کا چہلم نہایت عقیدت اور احترام کے جذبے کے ساتھ منایا گیا۔ حسب دستور اربعین کا جلوس ماربل آرک سے برامد ہوا۔ جلوس اربعین میں ہندستان پاکستان اور دیگر ایشیائی اور یورپی ملکوں کے مومنین شامل تھے۔
اس جلوس اربعین کا اہتمام ہمیشہ کی طرح برطانیہ کے حسینی اسلامی ٹرسٹ کی جانب سے کیا گیا تھا۔ گزشتہ چوالیس برسوں سے اس جلوس کا اہتمام کیا جارہا ہے۔ اس برس سترہ اگست کو برامد ہونے والا جلوس اس سلسلے کا45 واں جلوس تھا۔جلوس کی خاص بات امروہا ہندستان سے تعلق رکھنے والے مومنین کے ذریعے پڑھا جانے والا روایتی مرثیہ’قید سے چھوٹ کے جب سید سجاد آئے” رہی۔ امروہا کی عزائی روایت کے مطابق چہلم کے روز دلگیر کا یہ معروف مرثیہ ہی پڑھا جاتا ہے۔
ماربل آرک کے علاوہ لندن میں دیگر مقامات پر بھی اربعین کے جلوس برامد ہوتے ہیں۔
