مودی حکومت کے چہیتے بزنس مین گوتم اڈانی کو آج اس وقت بڑا جھٹکا لگا جب انکے گروپ کی کمپنیوں کے شیئرس 5سے 18 فیصدی تک گر گئے۔ شیئر گرنے کی وجہ یہ رہی کہ نیشنل سیکورٹیز ڈیپا زیٹری لمیٹیڈ NSDL نے ان تین غیر ملکی مالی کمپنیوں کے اکاؤنٹس منجمد کردئے تھے جنکا زیادہ پیسہ اڈانی گروپ کی ان کمپنیوں میں لگا ہوا ہے۔ اڈانی انٹر پرائزیز، اڈٓانی پورٹس اور اسپیشل ایکونامک زون کو آج بہت بڑا گھاٹا اٹھانا پڑا۔NSDL نے البولا انویسٹ منٹ فنڈ، کریسٹا فنڈ اور اے پی ایم ایس انویسٹمنٹ فنڈ کے اکاؤنٹ منجمد کردئے۔NSDL کی ویب سائٹ پر ان مالی کمپنیوں کے کھاتے منجمد کرنے کی کوئی وجہ نہیں بتائی گئی ہے۔
ایکونامک ٹائمز کی رپورٹ کے مطابق کھاتے منجمد ہونے کی وجہ ملکیت سے متعلق نا کافی معلومات ظاہر کرنا ہوسکتی ہے۔ ذرائع کے مطابق ان غیر ملکی مالی کمپنیوں کا اڈانی گروپ کی ان کمپنیوں میں 6 بلین امریکی ڈالر سے زیادہ کا سرایہ لگا ہوا ہے۔اڈانی گروپ کے ترجمان نے اس بارے میں کوئی رد عل ظاہر نہیں کیا ہے۔ ۔
