میانمار کے جنوب مغربی علاقے میں فوجی اقتدار کے خلاف احتجاج کے دوران گیارہ اور افراد ہلاک ہو گئے ہیں۔ آتشی بموں اور شکاری بندوقوں سے لیس مظاہرین اور سیکورٹی فورسیز کے درمیان جھڑپیں ہوئیں۔ مقامی خبررساں نیوز ویب سائٹ کے مطابق تیز شہر میں بڑے مظاہرے کو کچلنے کے لئے چھ ٹرکوں پر فوجیوں کو بھیجا گیا لیکن جب مظاہرین نے آتشی بموں، شکاری رائفلوں اور چاقووں سےمقابلہ کیا تو فوجیوں سے بھرے چھ ٹرک اور وہاں بلائے گئے۔ دونوں طرف سے لڑائی کا سلسلہ جمعرات کی صبح تک جاری رہا۔ میڈیا رپورٹوں کے مطابق کم از کم گیارہ افراد ہلاک اور بیس زخمی ہوئے۔
