ایران میں 9 ماہر بنکروں نے 6 برس کی محنت کے بعد ایک نایاب طرز کا قرآن مجید بن کرتیار کیا ہے۔ تبریز کی یونیورسٹی آف اسلامی آرٹس کے قالین بافی کے شعبہ کی نگرانی میں تیار اس قرآن مجید کی ایک خصوصیت یہ بھی ہیکہ یہ دونوں طرف سے بنا ہوا ہے۔ قرآن کے تیس پارے دونوں طرف سے 76 صفحات پر چھ کروڑ بیس لاکھ گرہوں کی مدد سے بنے گئے ہیں۔ اس قرآن مجید کی لمبائی 45 سینٹی میٹر اور چوڑائی 31 سینٹی میٹر ہے۔
بنے ہوئے قرآن مجید کے ہہت سے نسخے دنیا میں موجود ہیں لیکن اس قرآن کریم کی خاص بات یہ ہیکہ ریشمی دھاگے سے اسکی بنائی کی گؕی ہے۔ کئی اسلامی ملکوں نے اس قرآن کو اپنے میوزیموں کی زینت بنانے کے لئے بڑے ہدیہ کی پیشکش کی ہے۔
