موصولہ خبروں پر اگر یقین کیا جائے تو اسرائیل بحرین کی راجدھانی منامہ میں چالیس فیصد پرانے علاقوں کو ہتھیا کر وہاں ایک اسرائئیلی علاقہ بنانے کی کوشش کررہا ہے۔
العالم ٹیلی ویزن چینل کی ایک رپوٹ کے مطابق بحرین کے معروف عالم دین اور الوفا اسلامی تحریک کے لیڈر سید مرتضیٰ سندھی کا کہنا ہیکہ اسرائیلی باشندے،بحرینی باشندوں کی زمینیں خریدنے کی کوشش کررہے ہیں۔ اسرائیلی بھاری قیمت اد کرکے بحرینی باشندوں سے انکی زمینیں خرید رہے ہیں۔
سید مرتضیٰ کا کہنا ہیکہ اسرائیلی منامہ میں اپنا ایک علاقہ قائم کرنے کے منصوبے پر کام کررہے ہیں۔ اسرائلیوں کی کوشش ہیکہ منامہ میں اسرائیلی سفارتخانہ کے قریب ہی زمینیں خریدی جائیں۔ اس سے پہلے ایک اور مذہبی لیڈر آیت اللہ شیخ عیسیٰ قاسم بھی بحرینی باشندوں کو اسرائیلیوں کے ہاتھوں زمینیں بیچنے کے تعلق سے خبردار کر چکے ہیں۔انہوں نے کہا تھا کہ اسرائیلیوں کے ہاتھوں زمینیں بیچنا ایسا ہے جیسے اپنا مذہب، تاریخ اور ملک بیچ دیا۔
