ایران کی بحریہ نے سمندر کے اندر اور بیرونی سطح پر اہداف کی کھوج لگانے اور زیرآب اہداف کو ڈرون کے ذریعے تباہ کرنے کی صلاحیت حاصل کرلی ہے۔ ایرانی بحریہ نے عملی طور پر جدید ٹیکنالوجی والے اینٹی سب میرین ڈرون کو فعال کردیا ہے۔
موصولہ رپورٹ کے مطابق بحریہ کے سربراہ ایڈمرل شہرام ایرانی نے کہا کہ اسلامی جہموری ایران کی بحری افواج نے ایسا ڈرون سسٹم ایجاد کیا ہے جس کے ذریعے سمندر کے اندر اور سطح آب پر موجود دشمن کے اہداف کو آسانی کے ساتھ نشانہ بنایا جاسکتا ہے۔
انہوں نے کہا کہ اس ٹیکنالوجی کو ایرانی جوانوں نے ملک کے اندر ہی ایجاد کیا ہے ۔جس میں سونار ٹیکنالوجی سے استفاد کیا جاتا ہے۔
سونار آواز کے ذریعے جہازرانی اور فاصلے کی شناخت کو کہتے ہیں۔ اس ٹیکنالوجی کے مطابق پانی کے اندر صوتی لہریں ایجاد کرکے بحری جہازوں، کشتیوں اور زیرآب تنصیبات کی کھوج لگانے کے ساتھ ان کی سمت اور فاصلے کو معلوم کیا جا سکتا ہے۔ ۔ آب دوز، سمندری آپریشن میں استعمال ہونے والے جہاز اور ہیلی کاپٹر اسی ٹیکنالوجی کے ذریعے زیرزمین اہداف کا پتہ لگاتے ہیں۔
یہ بھی پڑھئے۔۔اhttps://qaumikhabrein.com/news/iran-drones-israel-bannie-gantze/
