حکومتی سطح پر ہندستان اور پاکستان کے دریان تلخی ہے۔ لیکن عوام اور عوام کے درمیان محبت اور بھائی چارے کے جزبات پائے جاتے ہیں۔ یہی حال پاکستان کی تاجر برادری کا بھی ہے۔ وہ دونوں ملکوں کے تجارتی رشتے بحال ہونے کی خوااں ہیں۔
لاہور چیمبر آف کامرس کے صدر کاشف انور نے ہندستان کے ساتھ باہمی تجارت کھولنے کا مطالبہ کیا ہے۔
ہندستانی ڈپٹی ہائی کمشنر سریش کمار کی لاہور چیمبر آف کامرس آمد کے موقع پر تقریر کرتے ہوئے کاشف انور نے کہا کہ دونوں ملک اس وقت دبئی کے راستے تجارت کر رہے ہیں جو مہنگی ثابت ہو رہی ہے ، دوطرفہ تجارت کریں گے تو وہ سستی ہوگی ، سستی تجارت سے فائدہ اٹھانا چاہیے۔
ہندستانی ڈپٹی ہائی کمشنر سریش کمار نے کہا کہ ہندستان نے کبھی پاکستان کے ساتھ تجارتی تعلقات نہیں روکے اور وہ ہمسایہ ملک کے ساتھ اس سمت میں آگے بڑھنا چاہتا ہے۔انہوں نے کہا کہ تجارت دونوں ملکوں کو قریب لاسکتی ہے ۔ ہندستان آئی ٹی اور موبائل سیکٹر میں ترقی کرچکا ہے ، پاکستان اور ہندستان کو ایک دوسرے کی ٹیکنالوجی سے فائدہ اٹھانا چاہیے۔
