جی ہاں فرحت علین قمر ملک میں ٹینس کے کھیل کے آسمان کا ابھرتا ہوا ستارہ ہے۔ 20 سالہ فرحت قمر کسی امیر گھرانے کی فرد نہیں ہے بلکہ ٹینس کوچ قمر الدین کی بیٹی ہے۔ اسکا تعلق راجستھان کے شہر ٹونک سے ہے۔
ٹونک سے تعلق رکھنے والی فرحت علین قمر اب امریکہ کی مین ہٹن یونیورسٹی کے لئے ٹینس کھیلےگی۔ حال ہی میں اسکا سلیکشن ہوا ہے۔ یونیورسٹی اسکی تعلیم کے لئے اسکالر شپ بھی فراہم کرےگی۔ فرحت قمر ریاستی اور قومی سطح کے ٹینس ٹورنا منٹ میں اپنی دھاک جما چکی ہے۔قومی رینکنگ میں فرحت 15 ویں مقام پر ہے۔فرحت نے اب تک 36 میچ کھیلے ہیں ان میں 19 میں اس نے کامیابی حاصل کی ہے۔ اسکی کامیابی کا اوسط 52.78 فیصد ہے۔
