جی ہاں بلی تھیلے سے باہر آگئی ہے۔ عراق ،شام افغانستان اور متعدد ملکوں میں خون کی ندیاں بہانے والے ظالم داعش کی چابی کس کے پاس ہے۔ یہ اب معلوم ہو گیا ہے۔عراق کی حزب اللہ تحریک کا دعویٰ ہیکہ داعش کو سعودی عرب اور متحدہ عرب امارات کی خفیہ ایجنسیاں کنٹرول کرتی ہیں۔ عراقی حزب اللہ کے عسکری اور سلامتی امور کے مشیر ابو علی العسکری نے ایک ٹویٹ میں دعویٰ کیا ہیکہ داعش کی کاروائیاں سعودی عرب اور متحدہ عرب امارات کی خفیہ ایجنسیوں کے اشارے پر انجام دی جارہی ہیں۔
ابو عی العسکری کا کہنا ہیکہ داعش کی مجرمانہ حرکتوں کی جانب سے آنکھیں بند کرلینے والے بھی اسکے گناہوں میں برابر کےشریک ہیں۔ داعش نے حال ہی میں عراق کے کیرکوک میں حملہ کرکے سات پولیس اہلکاروں کو ہلاک کردیا تھا۔ گزشتہ سنیچر کو بھی داعش نے کیرکوک میں حملہ کرکے وفاقی پولیس کے بارہ اہلکاروں کو مارڈالا تھا۔
