ہندستانی لیجنڈری کرکٹر سچن تیندولکر بھی کورونا کی زد میں آگئے ہیں۔ اپنے پازیٹیو ہونے کی جانکاری سچن نے اپنے ٹویٹر ہینڈل کے ذریعے دی۔ انہوں نے بتایا ہیکہ انکے دیگر اہل خانہ کی کورونا رپورٹ نگیٹیو آئی ہے۔ سچن گھر پر ہی قرنطینہ میں ہیں۔ اور ڈاکٹروں کی نصیحت پر عمل کر رہے ہیں۔ سچن اگلے ماہ اڑتالیس برس کے ہو جائیں گے۔ وہ پیشہ ورانہ کرکٹ سے 2013 میں ریٹائر ہو گئے تھے۔24 سال کے اپنے شاندار کرکٹ کیرئر میں انہوں نے کئی ریکارڈ قائم کئے ہیں۔ انہوں نے ٹیسٹ کرکٹ میں 15,921 رن اسکور کئے ہیں۔ انہوں نے اپنی صحت کی فکر کرنے والوں کا شکریہ ادا کیا ہے۔
