سرینگر کے مضافاتی علاقے نوگام میں ملیٹنٹوں نے بی جے پی کے لیڈر محمد انور خاں کے گھر پر فائرنگ کی۔ فائرنگ میں گھر کی حفاظت پر تعینات پولیس اہلکار کی موت ہو گئی۔ ریاستی بی جے پی کے ذرائع کے مطابق آری باغ نوگام میں بی جے پی لیڈر کے گھر پر فائرنگ کے دوران ایک پولیس اہلکار زخمی ہوا۔ زخمی پولیس اہلکار کا نام رمیز راجہ بتایا گیا ہے۔ اس نے اسپتال میں زخموں کی تاب نہ لا کر دم توڑ دیا۔ ملیٹنٹ پولیس اہلکار کی سروس رائفل لیکر فرار ہو گئے۔ حملے کے وقت بی جے پی لیڈر گھر کے اندر موجود نہیں تھے لیکن انکے اہل خانہ تھے۔ حملہ آوروں کی تلاش کی جارہی ہے۔ حالیہ دنوں میں وادی میں بی جے پی ورکر پر حملے کا یہ دوسرا واقعہ ہے۔
