اسرائیل میں نفتالی بینیٹ کی نئی حکومت نے حماس کے ساتھ ہوئے جنگ بندی معاہدے کی خلاف ورزی کی ہے۔ غزہ پر اسرائل نے حملہ کیا ہے۔ اسرائیل کا الزام ہیکہ غزہ کی جانب سے اسرائیلی علاقوں میں آتشیں غبارے گرائے گئے۔ رات میں ہوئے فضائی حملوں کے بعد صبح میں سکون نظر آیا۔ کسی جانب سے کسی جانی نقصان کی کوئی خبر نہیں ملی ہے۔ غزہ پرگیارہ روزہ بمباری کے بعد ایک ماہ پہلے مصر کی ثالثی سے حماس اور اسرائیل میں جنگ بندی ہوئی تھی۔
اسرائیلی حملوں کا حماس کی جانب سے کوئی جواب نہیں دیا گیا۔ حماس کارکنوں کا کہنا ہیکہ کمانڈروں کی جانب سے ابھی اسرائیلی حملے کا جواب دینے کو نہیں کہا گیا ہے۔ اسرائیل کا کہنا ہیکہ غزہ کی جانب سے بھیجے گئے آتشیں غباروں سے اسرائیل میں کھلے میدانوں میں آ گ لگ جاتی ہے۔
